“Azərbaycanda ali təhsilin gücləndirilməsinə
dəstək” adlı Tvinninq layihəsi çərçivəsində layihənin İdarəetmə Komitəsinin
3-cü iclası keçirilib.
İclasda Fransa, Litva və Latviyadan və
benefisiar tərəfdən olan layihə rəhbərləri ilə yanaşı, Təhsil Nazirliyinin
layihənin müxtəlif komponentlərini kordinasiya edən əməkdaşları, eləcə də
Avropa İttifaqının Bakı Nümayəndəliyinin və İqtisadiyyat Nazirliyinin əməkdaşları
iştirak edib.
Layihənin Azərbaycan üzrə rəhbəri, Təhsil
Nazirliyinin Elm, ali və orta ixtisas təhsili şöbəsinin müdir müavini Şahin
Bayramov iclası açıq elan edərək ötən rübün layihə çərçivəsində görülən işlər
baxımından çox məhsuldar olduğunu bildirib.
Layihə rəhbəri son rüb ərzində ölkənin ali
təhsil sistemində qanunvericilik səviyyəsində baş verən yeniliklər, eləcə də
ölkə prezidenti tərəfindən təsdiq olunan “2019–2023-cü illər üçün Azərbaycan
Respublikasında ali təhsil sisteminin
beynəlxalq rəqabətliliyinin artırılması üzrə Dövlət Proqramı”
adlı sənəd barədə məlumat verib.
Layihə rəhbəri eləcə də
layihənin hər bir komponenti üzrə görülmüş işlərdən söz açıb.
Daha sonra layihənin
Fransada üzrə rəhbəri, Fransanın Beynəlxalq Pedaqoji Araşdırmalar Mərkəzinin
əməkdaşı Bruno Kurval, Litvadan olan layihə rəhbəri, Litvanın Təhsil, Elm və
İdman Nazirliyinin əməkdaşı Giedrius Viliunas və Latviyadan olan rəhbəri,
Latviyanın Akademik Məlumat Mərkəzinin rəhbəri Ramina Baiba çıxış ediblər.
Fransadan
layihə rəhbəri Bruno Kurval bir daha layihə çərçivəsində Bakıya səfər etməkdən
və layihə tərəfindən görülmüş işlərin şahidi olmaqdan məmnun olduğunu ifadə
edib.
Layihənin Fransa üzrə rezident koordinatoru Liza Baydanova üçüncü rübdə görülən işlərin xülasəsini apararaq növbəti dördüncü rüb ərzində planlaşdırılan tədbirlər barədə qısa məlumat verib.
Sonda
Komitə üzvləri tərəfindən növbəti iclasın 2019-cu ilin may ayının sonlarında
keçirilməsi ilə bağlı qərar qəbul edilib.