“Azərbaycanda ali təhsilin gücləndirilməsinə
dəstək” adlı Tvinninq layihəsi çərçivəsində layihənin İdarəetmə Komitəsinin 4-cü
iclası keçirilib.
İclasda Fransa, Litva və Latviyadan və
benefisiar tərəfdən olan layihə rəhbərləri ilə yanaşı, Təhsil Nazirliyinin
layihənin müxtəlif komponentlərini kordinasiya edən əməkdaşları, eləcə də
Avropa İttifaqının Bakı Nümayəndəliyinin və İqtisadiyyat Nazirliyinin əməkdaşları
iştirak edib.
Layihənin kordinatorunun tərəf müqabili,
Təhsil Nazirliyinin Elm, ali və orta ixtisas təhsili şöbəsinin Ali təhsil
sektorunun müdiri Yaşar Ömərov iclası açıq elan edərək ötən rübün layihə
çərçivəsində görülən işlər baxımından çox məhsuldar olduğunu bildirib.
Ömərov layihənin dördüncü rübünün qısa
xülasəsini verib və son rübdə həyata keçirilən tədbirlərin və iştirakçı sayının
statistikasını təqdim edib. “Layihə çərçivəsində fəaliyyətlər heç bir gecikmə
olmadan həyata keçirilir. Planlaşdırılan fəaliyyətləri həyata keçirmək üçün
qarşıda hələ bir il var,” deyə Ömərov vurğulayıb.
Daha sonra layihənin
rezident koordinatoru Liza Baydanova dördüncü rübdə görülən işlərin xülasəsini
apararaq növbəti beşinci rüb ərzində planlaşdırılan tədbirlər barədə qısa
məlumat verib.
Bundan
başqa, layihənin benefisiar tərəfindən komponent rəhbərləri öz komponentləri
çərçivəsində görülən işlər barədə məlumat veriblər.
1-ci komponentin rəhbəri, Elm, ali və orta ixtisas təhsili şöbəsinin baş məsləhətçisi Vüsalə Qurbanova layihənin texniki şərtinin hazırlanmasından sonra ötən dövr ərzində ali təhsil müstəvisində bir çox dəyişikliklərin baş verdiyini və layihənin bu baxımdan çeviklik nümayiş etdirdiyini vurğulayıb və layihəyə öz təşəkkürünü bildirib.
Sonda
Komitə üzvləri tərəfindən İdarəetmə Komitəsinin növbəti iclasının 2019-cu ilin sentyabr
ayının ortalarında keçirilməsi ilə bağlı qərar qəbul edilib.