Ali təhsilin gücləndirilməsinə dəstək
Tvinninq layihəsi çərçivəsində 7-11 oktyabr 2019-cu il tarixində növbəti
missiya həyata keçirilmişdir.
“İnnovativ tədris, təlim və qiymətləndirmə
metodlarına, o cümlədən tələbələrə əsaslanan kurikulumların praktikada tətbiqini
təmin etmək məqsədi ilə kreditlərin təlim nəticələri və tələbə yükünə əsaslanaraq
paylanılmasına dair təlimlərin keçirilməsi” adlı 2.3 saylı Fəaliyyət çərçivəsindəki
missiya Riqa Texniki Universitetinin Materialşünaslıq və Tətbiqi Kimya Fakultəsinin
professoru Mara Jure tərəfindən həyata keçirmişdir.
Missiyanın məqsədi pilot universitetlərin professor-müəllim
heyəti üçün təlim nəticələrinin yazılması və qiymətləndirilməsi sahəsində təliminin
keçirilməsi olmuşdur.
Keçirilən seminarlarda Bakı Dövlət
Universitetinin, Azərbaycan Dövlət Pedaqoji Universitetinin, Azərbaycan Texniki
Universitetinin və Azərbaycan Neft və Sənaye Universitetinin nümayəndələri
iştirak etmişlər.
Təşkil olunan seminarlar zamanı Tvinninq
layihəsinin eksperti təlim nəticələrinin yazılması və qiymətləndirilməsi sahəsində
qabaqcıl Avropa təcrübələrini pilot universitetlərin akademik heyəti ilə
bölüşmüşdür.
Seminarlarda ümumilikdə 50-ə yaxın
professor-müəllim heyəti iştirak etmişdir.