28 oktyabr-2
noyabr 2019-cu il tarixlərində Tvinninq layihəsinin “Hər bir pilot universitetdə
prioritet sahədən olan təhsil proqramının simulyativ akkreditasiyasının həyata keçirilməsi”
adlanan 3.7 saylı fəaliyyəti çərçivəsində ilk missiya həyata keçirilmişdir.
Missiya
Litvanın İSM Menecment və İqtisadiyyat Universitetinin Keyfiyyət təminati mərkəzinin
direktoru Jolita Butkiene və Litvanın Kaunas Texnologiya Universitetinin
professoru Audrius Lopata tərəfindən həyata keçirilmişdir.
Missiyanın
məqsədi Tvinninq layihəsi çərçivəsində seçilmiş pilot universitetlər olan Azərbaycan
Dövlət Neft və Sənaye Universiteti, Azərbaycan Texniki Universiteti, Bakı Mühəndislik
Universiteti və Sumqayıt Dövlət Universitetində Kompüter mühəndisliyi ixtisası
üzrə tədris olunan təhsil proqramının simulyativ qiymətləndirilməsinin aparılması
olmuşdur.
Yuxarıda
adı qeyd olunan təhsil proqramının simulyativ qiymətləndirilməsinə cəlb olunmuş
ekspert qrupu iki sahə ekspertindən (bir yerli və bir Avropa İttifaqı eksperti
olmaqla), iki keyfiyyət təminatı ekspertindən (bir yerli və bir Avropa İttifaqı
eksperti olmaqla), bir tələbə və bir işəgötürəndən təşkilatın nümayəndəsindən
ibarət olmuşdur.
Missiyanın
ilk günü ekspertlər Təhsil Nazirliyinin Akkreditasiya Şöbəsində toplaşaraq
ATM-lərin Kompüter mühəndisliyi proqramları üzrə təqdim etdikləri özünütəhlil
hesabatlarını və digər sənədləri müzakirə etmiş və simulyativ qiymətləndirməyə
hazırlaşmışlar.
Daha sonra
ekspertlər hər dörd universitetə bir günlük səfər etmişlər. Sahə səfərləri çərçivəsində
universitetlərin rəhbərliyi, özünütəhlil hesabatını hazırlayan qrupun üzvləri,
tələbələr və işəgötürən təşkilatların nümayəndələri ilə müsahibələr
keçirilmişdir. Ekspertlər həmçinin Kompüter mühəndisliyi təhsil proqramlarının
tədrisində istifadə olunan maddi-texniki bazanı qiymətləndirmək məqsədi ilə
universitetlərin auditoriyalarına və kompüter otaqlarına baxış keçirmişlər.
Simulyativ
qiymətləndirmənin nəticəsi olaraq ekspert qrupu tərəfindən hər bir pilot
universitetdəki Kompüter mühəndisliyi təhsil proqramı üzrə yekun qiymətləndirmə
hesabatı hazırlanacaq və həmin proqramın yaxşılaşdırılması üçün tövsiyələr
veriləcəkdir.
Tvinninq
layhəsi çərçivəsində pilot olaraq seçilən digər təhsil proqramlarının
simulyativ qiymətləndirilməsi növbəti həftələrdə davam edəcək.