13-18
yanvar 2020-ci il tarixlərində Tvinninq layihəsinin “Hər bir pilot universitetdə
prioritet sahədən olan təhsil proqramının simulyativ akkreditasiyasının həyata keçirilməsi”
adlanan 3.7 saylı fəaliyyəti çərçivəsində sayca yeddinci missiya həyata keçirilmişdir.
Missiya Fransanın
Ali Təhsil və Tədqiqatın
Qiymətləndirilməsi üzrə Agentliyinin qiymətləndirmə üzrə eksperti Michelle
Houppe və Fransanın Strasburq Universitetinin Tərcümə və Beynəlxalq Əlaqələr
üzrə İnstitutunun hal-hazırda təqaüddə olan direktoru Eckhart Hotzel tərəfindən həyata keçirilmişdir.
Missiyanın
məqsədi Tvinninq layihəsinin pilot universitetləri olan Azərbaycan Dillər
Universiteti, Azərbaycan Dövlət Pedaqoji Universiteti, Sumqayıt Dövlət
Universiteti və Xəzər Universitetində Xarici dil müəllimliyi ixtisası üzrə tədris
olunan təhsil proqramlarının simulyativ qiymətləndirilməsinin aparılması
olmuşdur.
Yuxarıda
qeyd olunan təhsil proqramının simulyativ qiymətləndirilməsinə cəlb olunmuş
ekspert qrupu iki sahə ekspertindən (bir yerli və bir Avropa İttifaqı eksperti
olmaqla), iki keyfiyyət təminatı ekspertindən (bir yerli və bir Avropa İttifaqı
eksperti olmaqla), bir tələbə və bir işəgötürəndən təşkilatın nümayəndəsindən
ibarət olmuşdur.
Missiyanın
ilk günü ekspertlər Təhsil Nazirliyinin Təhsildə Keyfiyyət Təminatı Agentliyində
toplaşaraq ATM-lərin Xarici dil müəllimliyi proqramı üzrə təqdim etdikləri
özünütəhlil hesabatlarını müzakirə etmiş, müsahibələr zamanı veriləcək sualları
üzərində iş aparmış və digər lazimi hazırlıqları aparmışlar.
Daha sonra ekspertlər hər dörd universitetə bir günlük səfər etmişlər. Sahə səfərləri çərçivəsində universitetlərin rəhbərliyi, özünütəhlil hesabatını hazırlayan qrupun üzvləri, həmin tədris proqramının tədrisininə cəlb olunmuş professor-müəllim heyəti, tələbələr, proqramı bitirmiş məzunlar və işəgötürən təşkilatların nümayəndələri ilə müsahibələr keçirilmişdir. Ekspertlər həmçinin Xarici dil müəllimliyi təhsil proqramının tədrisində istifadə olunan maddi-texniki bazanın qiymətləndirilməsi məqsədi ilə universitetlərin auditoriyalarına və laboratoriyalarına baxış keçirmişlər.
Bu,
Tvinninq layihəsi və Təhsil Nazirliyinin Təhsildə Keyfiyyət Təminatı Agentliyi
tərəfindən pilot ixtisaslar üzrə birgə həyata keçirilən sonuncu simulyativ qiymətləndirmə
idi. Bu günədək bu pilot qiymətləndirmə çərçivəsində ümumilikdə yeddi
universitetdə yeddi təhsil proqramının simulyativ akkreditasiyası aparılmışdır.
Bu prosesin nəticəsi olaraq qiymətləndirilmiş hər bir təhsil proqramı üzrə
Tvinninq layihəsinin ekspertləri tərəfindən yekun hesabat yazılacaqdır.
Hesabatlarda ekspert komissiyası tərəfindən həmin proqramların tədrisində aşkar
edilmiş zəif və güclü tərəflər göstərilməklə, zəif tərəflərin yaxşılaşdırılması
istiqamətində ali təhsil müəssisələrinə tövsiyələr veriləcəkdir.