9-13 dekabr
2019-cu il tarixlərində Tvinninq layihəsinin “Hər bir pilot universitetdə
prioritet sahədən olan təhsil proqramının simulyativ akkreditasiyasının həyata keçirilməsi”
adlanan 3.7 saylı fəaliyyəti çərçivəsində sayca beşinci missiya həyata keçirilmişdir.
Missiya Litvanın
İSM İqtisadiyyat və İdarəetmə Universitetinin Keyfiyyət mərkəzinin rəhbəri
Jolita Butkiene və Latviyanın Nəqiyyat və Teleommunikasiya İnstitunun professoru
və proqram direktoru Boris Misnevs tərəfindən həyata keçirilmişdir.
Missiyanın
məqsədi Tvinninq layihəsinin pilot universitetləri olan Bakı Dövlət Universiteti,
Azərbaycan Dövlət Pedaqoji Universiteti və Sumqayıt Dövlət Universitetində İnformatika
müəllimliyi ixtisası üzrə tədris olunan təhsil proqramlarının simulyativ qiymətləndirilməsinin
aparılması olmuşdur.
Yuxarıda
qeyd olunan təhsil proqramlarının simulyativ qiymətləndirilməsinə cəlb olunmuş
ekspert qrupu iki sahə ekspertindən (bir yerli və bir Avropa İttifaqı eksperti
olmaqla), iki keyfiyyət təminatı ekspertindən (bir yerli və bir Avropa İttifaqı
eksperti olmaqla), bir tələbə və bir işəgötürəndən təşkilatın nümayəndəsindən
ibarət olmuşdur.
Missiyanın
ilk günü ekspertlər Təhsil Nazirliyinin Akkreditasiya şöbəsində toplaşaraq
ATM-lərin İnformatika müəllimliyi proqramı üzrə təqdim etdikləri özünütəhlil
hesabatlarını müzakirə etmiş, müsahiblər zamanı veriləcək sualları üzərində iş
aparmış və digər lazimi hazırlıqları aparmışlar.
Daha sonra
ekspertlər hər üç universitetə bir günlük səfər etmişlər. Sahə səfərləri çərçivəsində
universitetlərin rəhbərliyi, özünütəhlil hesabatını hazırlayan qrupun üzvləri,
tələbələr, həmin proqramı bitirmiş məzunlar və işəgötürən təşkilatların nümayəndələri
ilə müsahibələr keçirilmişdir. Ekspertlər həmçinin İnformatika müəllimliyi təhsil
proqramının tədrisində istifadə olunan maddi-texniki bazanı qiymətləndirmək məqsədi
ilə universitetlərin auditoriyalarına və laboratoriyalarlna baxış keçirmişlər.
Simulyativ
qiymətləndirmənin nəticəsi olaraq ekspert qrupu tərəfindən hər bir pilot
universitetdəki İnformatika müəllimliyi təhsil proqramı üzrə yekun qiymətləndirmə
hesabatı hazırlanaraq həmin proqramın daha da təkmilləşdirilməsi istiqamətində tövsiyələr
veriləcəkdir.
Tvinninq
layihəsi çərçivəsində pilot olaraq seçilən digər təhsil proqramlarının (Kompüter
elmləri və Xarici dil müəllimliyi) simulyativ qiymətləndirilməsi növbəti həftələrdə
davam edəcək.