4-8
fevral 2019-cu il tarixlərində Avropa İttifaqının Tvinninq proqramının
“Azərbaycanda ali təhsilin gücləndirilməsinə dəstək” layihəsi çərçivəsində
Azərbaycana növbəti ekspert missiyası həyata keçirilmişdir.
Tvinninq layihəsinin “Təhsil
proqramlarının tələbələrə əsaslanan yanaşmanı əks etdirməsi məqsədi ilə keyfiyyət
təminatı sisteminin daha da təkmilləşdirilməsi” adlı üçüncü komponenti çərçivəsində ölkəmizə
Litvanın Vilnüs Gediminas Texniki Universitetinin Tədris işləri üzrə prorektoru
Nora Skaburskiene və Latviyanın Ali Təhsildə Keyfiyyət Agentliyinin (QAHE)
direktor müavini Yolanta Silka səfər etmişlər.
Missiyanın məqsədi Akkreditasiya və
Nostrifikasiya İdarəsinin, eləcə də ali təhsil müəssisələrinin akkreditasiya
sahəsində potensialının artırılması məqsədi ilə seminarların keçirilməsi və
daha əvvəlki missiyalar çərçivəsində Tvinninq ekspertləri tərəfindən proqram
akkreditasiyası üzrə hazırlanmış meyarlar və göstəriciləri ATM nümayəndələri
ilə müzakirə etmək olmuşdur.
Missiya çərçivəsində layihənin pilot universitetləri olaraq seçilmiş
Bakı Dövlət Universiteti və Azərbaycan Dövlət Neft və Sənaye Universitetində
qeyd olunan universitetlərin, eləcə də Azərbaycan Dövlət Pedaqoji Universiteti,
Azərbaycan Texniki Universiteti və Bakı Mühəndislik Universitetinin nümayəndələri
üçün proqram akkreditasiyası mövzusunda seminarlar keçirilmiş və proqram
akkreditasiyası sahəsində Avropa təcrübəsi seminar iştirakçılarının diqqətinə
çatdırılmışdır.
Seminarlar zamanı eləcə də layihənin
ekspertləri və Akkreditasiya və Nostrifikasiya İdarəsinin əməkdaşları tərəfindən
birgə işlənib hazırlanmış Proqram Akkreditasiyası üzrə Meyarlar və Göstəricilər
adlı sənəd layihəsi universitet nümayəndələri ilə müzakirə edilmiş və onların
yeni hazırlanmış sənədl bağlı fikirləri və təklifləri öyrənilmişdir.
Keçirilmiş seminarlarda beş pilot universitetdən ümumilikdə 60-dan çox nümayəndə iştirak etmişdir.
Bundan başqa, missiyanın zamanı
ekspertlər tərəfindən ali təhsil müəssisələri üçün “Təlim Nəticələrinin
Yazılması üzrə Təlimatlar” adlı sənəd də işlənib hazırlanmışdır.