1-20 dekabr 2019-cu il tarixlərində Tvinninq
layihəsinin “Ən azı 5 ölkədə (Avropa və
dünya miqyasında) universitetlərin idarə edilməsi sahəsindəki mövcud qabaqcıl təcrübəyə
uyğun olaraq üç pilot universitetdə idarəetmə sisteminin qiymətləndirilməsi” adlı
4.5 saylı Fəaliyyəti çərçivəsində ilk missiya həyata keçirilmişdir.
Yuxarıda qeyd olunan missiya çərçivəsində
Bakıya 2012-2017-ci illərdə fransız-türk universiteti olan Qalatasaray
Universitetinin Fransa tərəfindən rektoru vəzifəsini icra etmiş, hazırda isə təqaüddə
olan professor Jean-Jacques Paul səfər etmişdir.
Missiyanın məqsədi tələbələrə
əsaslanan kurikulumların hazırlanmasını və nəzərdən keçirilməsini dəstəkləyən ən
qabaqcıl yanaşmaların təmin edilməsi məqsədi ilə üç pilot universitetdə idarəetmə
sisteminin, xüsusi ilə tələbələrin universitetin idarəetməsində iştirakının qiymətləndirilməsi və bu sistemin təkmilləşdirilməsi
istiqamətin təkliflərin hazırlanması olmuşdur.
Missiya çərçivəsində ekspert Azərbaycan universitetlərində mövcud idarəetmə
sistemi barədə daha ətraflı məlumat əldə etmək məqsədi ilə Təhsil Nazirliyinin
Elm, ali və orta ixtisas təhsli şöbəsi, eləcə də Maliyyə şöbəsinin əməkdaşları
ilə görüşlər keçirmişdir.
Həmçinin ekspert Sumqayıt Dövlət Universitetinin, Azərbaycan Texniki
Universitetinin və Azərbaycan Dövlət Pedaqoji Universitetində hal-hazırda tətbiq
olunan cari strateji planlarını nəzərdən keçirmişdir.
Daha sonra ekspert yuxarıda qeyd olunan universitetlərə səfər etmiş,
universitet rəhbərliyi ilə görüşlər keçirmiş, cari strateji planların həyata
keçirilməsi ilə bağlı məsələləri, eləcə də onların milli və qlobal ali təhsil
sistemindəki ən son yeniliklərə uyğunlaşdırılması məqsədi ilə yenilənməsi
istiqamətində müzakirələr aparmışdır.
Daha
sonra isə ekspert hər bir universitetin nümayəndələri ilə iççi sessiyalar keçirmiş
və Avropa universitetlərindən strateji planların hazırlanması üzrə qabaqcıl təcrübəni
onların diqqətinə çatdırmışdır. Cənab Paul həmçinin universitet nümayəndələri
ilə birgə iş aparmiş və nəticədə yuxarıda qeyd olunan hər bir universitet üzrə qabaqcıl təcrübələrin nəzərə alındığı yeni strateji plan layihəsi
hazırlamışdır.
Universitetlər tərəfindən artıq hazırlanmış strateji plan layihələləri üzərində işin davam etdirilməsi və görüləcək işin nəticəsinin 2020-ci il fevral ayında bu fəaliyyət çərçivəsində Azərbaycana səfər edəcək digər bir ekspert tərəfindən nəzərdən keçirilməsi nəzərdə tutulub.