Tvinninq layihəsinin “AzKÇ nəzərə alınmaqla və kompetensiya və
bacarıqlara əsaslanan nailiyyətlərin təsvir edilməsi məqsədi ilə prioritet sahələrdəki
proqramların təhsil standartlarının təkmilləşdirilməsi üzrə tövsiyələrin verilməsi”
adlı 1.5 saylı Fəaliyyəti çərçivəsində 23-27 sentyabr 2019-cu il tarixlərində
beşinci missiya həyata keçirilmişdir.
Missiya Vilnus Universitetinin
professoru Dovilė Krupickaitė, Kaunas Texnologiya Universitetinin professoru Audrius Lopata və
Latviya Universitetinin professoru Mariss Klavins tərəfindən həyata
keçirilmişdir.
Bu fəaliyyət çərçivəsində həyata
keçirilən beşinci missiyanın məqsədi Coğrafiya, İnformasiya Texnologiyaları və
Ekologiya ixtisasları üzrə dövlət standartlarının yenilənməsi və bu sahələrdəki
ixtisasların milli təsnifatının yaxşılaşdırılması üzrə tövsiyələrin verilməsindən
ibarət olmuşdur.
Missiya çərçivəsində ekspertlər
müvafiq pilot universitetlərin sözügedən təhsil proqramlarını təmsil edən akademik
heyəti, işəgötürənlərin nümayəndələri, eləcə də Təhsil Nazirliyinin nümayəndələri
ilə görüşlər keçirmişlər.
Missiya nəticəsində ekspertlər
sözügedən ixtisaslar üzrə təhsil proqramlarında əksini tapmış peşə kompetensiyalarını
yeniləmiş, burada infrastruktur üzrə minimal tələbləri və məzunlar üçün
potensial məşğulluq sahələrini müəyyən etmişlər.
Qeyd edək ki, təhsil
proqramlarının yenilənməsi zamanı ekspertlər təhsil proqramlarının Tvinninq
ekspertləri tərəfindən kompetensiya əsaslı yanaşmaya uyğun olaraq işlənib
hazırlanmış yeni formatından istifadə
etmişlər.
Ekspertlər həmçinin Coğrafiya,
İnformasiya Texnologiyaları və Ekologiya sahələri üzrə ixtisasların təsnifatının
yaxşılaşdırılması istiqamətində tövsiyələr vermişlər.