8-14 oktyabr 2019-cu il tarixlərində
Tvinninq layihəsinin “AzKÇ nəzərə
alınmaqla və kompetensiya və bacarıqlara əsaslanan nailiyyətlərin təsvir edilməsi
məqsədi ilə prioritet sahələrdəki proqramların təhsil standartlarının təkmilləşdirilməsi
üzrə tövsiyələrin verilməsi” adlı 1.5 saylı Fəaliyyəti çərçivəsində sayca səkkizinci
missiya həyata keçirilmişdir.
Missiya
Latviya Universitetinin Təhsildə İnnovasiya üzrə Fənlərarası Mərkəzinin
direktoru Dace Namsone, Latviya Universitetinin Coğrafiya və Torpaqşünaslıq fakültəsinin
professoru Zaiga Krišjāne, Fransanın
Ren 1 Universitetinin professoru Francoise Robin-Le Guen və Latviya
Universitetinin Sənaye, Elektronika və Elektrik Texnologiyası şöbəsinin aparıcı
tədqiqatçısı Aigars Vitols tərəfindən həyata keçirilmişdir.
Missiyanın məqsədi müvafiq
olaraq Kimya müəllimliyi, Coğrafiya, Neft və Qaz Mühəndisliyi və Elektrik Mühəndisliyi
ixtisasları üzrə dövlət standartlarının yenilənməsindən
ibarət olmuşdur.
Missiya çərçivəsində ekspertlər
Bakı Dövlət Universiteti, Azərbaycan Dövlət Pedaqoji Universiteti, Azərbaycan
Dövlət Neft və Sənaye Universiteti, Azərbaycan Texniki Universiteti və Sumqayıt
Dövlət Universitetində yuxarıda qeyd olunan ixtisasların tədrisi üzrə
ixtisaslaşmış professor-müəllim heyəti ilə görüşmüş, sözügedən standartların
yenilənməsi ilə bağlı onların rəylərini və təkliflərini öyrənmişlər.
Bundan başqa, ekspertlər yuxarıda
qeyd olunan universitetlərin müvafiq fakültələrində olmuş və daha çox sayda
professor-müəllim heyəti ilə görüşərək müzakirələr aparmış, bu ixtisasların tədrisində
istifadə olunan maddi-texniki baza ilə tanış olmuşlar.
Missiya nəticəsində ekspertlər
yuxarıdakı ixtisaslar üzrə dövlət standartlarında əksini tapmış peşə
kompetensiyalarını yeniləmiş, burada maddi-texniki baza üzrə minimal tələbləri
və məzunlar üçün potensial məşğulluq sahələrini müəyyən etmişlər. Qeyd edək ki,
dövlət standartının yenilənməsi zamanı dövlət standartlarının Tvinninq layihəsinin
ekspertləri tərəfindən kompetensiya əsaslı yanaşmaya uyğun olaraq işlənib
hazırlanmış yeni formatından istifadə
etmişlər.
Ekspertlər həmçinin ayrı-ayrı
universitetlərdə qeyd olunan ixtisasların tədrisinin təkmilləşdirilməsi istiqamətində
tövsiyələr işləyib hazırlamışlar.