1-5 aprel 2019-cu il tarixlərində Avropa İttifaqının Tvinninq proqramının “Azərbaycanda ali təhsilin gücləndirilməsinə dəstək” layihəsi çərçivəsində Azərbaycana növbəti ekspert missiyası həyata keçirilmişdir.
Tvinninq layihəsinin “Prioritet sektorlar üzrə pilot təhsil proqramlarının tələbələrə əsaslanan yanaşmanı əks etdirməsi məqsədi ilə təkmilləşdirilməsi” adlı ikinci komponenti çərçivəsində ölkəmizə Litvanın Sosial Fond Agentliyinin ali təhsil üzrə eksperti İnga Juknytė-Petreikienė səfər edib.
Missiyanın məqsədi layihə çərçivəsində
seçilmiş təhsil proqramlarının tələbə-yönümlü və kompetensiyaya-əsaslanan
yanaşmanı əks etdirməsi məqsədi ilə dəstəklənməsi olmuşdur.
Missiya zamanı layihə çərçivəsində
pilot olaraq seçilmiş ali təhsil müəssisələrində (Bakı Dövlət Universiteti,
Azərbaycan Dövlət Pedaqoji Universiteti, Azərbaycan Neft və Sənaye Universiteti)
pilot təhsil proqramlarının yazılmasında iştirak edən
nümayəndələrin iştirakı ilə seminarlar keçirilmişdir. Seminarlar zamanı ali
təhsilin müxtəlif səviyyələri üzrə (AzKÇ-ə əsaslanaraq) təlim nəticələrinin
yazılması, təlim nəticələrinin yazılması sahəsində qabaqcıl beynəlxalq təcrübə
və ayrı-ayrı fənlər üzrə yazılan təlim nəticələrinin ümumilikdə təhsil
proqramının təlim nəticələri ilə uyğunluğunun təmin edilməsi kimi mövzular
əhatə olunmuşdur.
Seminarların sonunda ayrı-ayrı təhsil proqramlarını təmsil edən nümayəndələrə pilot təhsil proqramlarının Tvinninq layihəsinin ekspertləri tərəfindən Avropa təcrübəsinə uyğun hazırlanmış yeni versiyası üçün təlim nəticələrinin yazılması ilə bağlı tapşırıq verilmişdir. 2.2 saylı Fəaliyyət çərçivəsində həyata keçirilməsi planlaşdırılan növbəti missiyalar zamanı universitet nümayəndələri tərəfindən yazılacaq təlim nəticələrinin Tvinninq ekspertlərinin iştirakı ilə müzakirə olunaraq pilot təhsil proqramlarına daxil edilməsi nəzərdə tutulur.