Tvinninq layihəsinin “Tanınma üzrə hüquqi-normativ bazanın nəzərdən keçirilməsi və zəruri olduğu halda qabaqcıl Avropa təcrübələrinə uyğun olaraq düzəlişlərin edilməsi” adlı 4.3 saylı Fəaliyyəti çərçivəsində üçüncü missiya 27-31 yanvar 2020-ci il tarixlərində baş tutmuşdur.
Qeyd olunan fəaliyyət
çərçivəsində Bakıya Fransanın Təhsil, idman və tədqiqat üzrə Baş
İnspektorluğunun baş müfəttişi Marie-Odile Ott səfər etmişdir.
Missiyanın məqsədi Təhsil
Nazirliyi tərəfindən yeni işlənib hazırlanmış “Ali təhsil haqqında” qanun layihəsini,
eləcə də “Dövlət ali təhsil standartı”nın layihəsini nəzərdən keçirmək və həmin
sənədlərin qabaqcıl Avropa təcrübəsinə uyğunlaşdırılmasını təmin etmək üçün düzəlişlərin
edilməsi olmuşdur.
Bu məqsədlə avropalı ekspert Təhsil Nazirliyinin Elm, ali və orta
ixtisas təhsili şöbəsinin rəhbərliyi ilə görüşmüş və “Ali təhsil haqqında”
qanun layihəsinin müzakirəsini aparmışdır.
Bunda başqa, ekspert Azərbaycan Dövlət Neft
və Sənaye Universitetində olmuş və universitetin rəhbərliyi ilə görüşmüşdür.
Xanım Ott həmçinin Elm, ali və orta ixtisas
təhsili şöbəsinin əməkdaşları ilə görüşlər keçirmiş və onlarla birlikdə hər iki
sənəd üzərində iş aparmışdır.
Missiyanın nəticəsi olaraq, qabaqcıl Avropa
təcrübələrinə uyğun olaraq düzəlişlər edilmiş sənədlər Təhsil Nazirliyinin elm,
ali və orta ixtisas təhsili şöbəsinə təqdim ediləcəkdir.