12-15
noyabr 2019-cu il tarixlərində Tvinninq layihəsinin “Hər bir pilot universitetdə
prioritet sahədən olan təhsil proqramının simulyativ akkreditasiyasının həyata keçirilməsi”
adlanan 3.7 saylı fəaliyyəti çərçivəsində sayca ikinci missiya həyata keçirilmişdir.
Missiya Fransanın
Tədqiqat və Ali Təhsilin qiymətləndirilməsi üzrə ali şurasının akkreditasiya
üzrə eksperti Eliane Kotler and Strasburq Universitetinin professoru, həmin
universitetin Fizika fakültəsinin dekan müavini və universitetin Fizika
laboratoriyasının direktoru Philippe Turek tərəfindən həyata keçirilmişdir.
Missiyanın
məqsədi Tvinninq layihəsinin pilot universitetləri olan Bakı Dövlət Universiteti
və Sumqayıt Dövlət Universitetində Fizika ixtisası üzrə tədris olunan təhsil
proqramının simulyativ qiymətləndirilməsinin aparılması olmuşdur.
Yuxarıda
adı qeyd olunan təhsil proqramının simulyativ qiymətləndirilməsinə cəlb olunmuş
ekspert qrupu iki sahə ekspertindən (bir yerli və bir Avropa İttifaqı eksperti
olmaqla), iki keyfiyyət təminatı ekspertindən (bir yerli və bir Avropa İttifaqı
eksperti olmaqla), bir tələbə və bir işəgötürəndən təşkilatın nümayəndəsindən
ibarət olmuşdur.
Missiyanın
ilk günü ekspertlər Təhsil Nazirliyinin Akkreditasiya şöbəsində toplaşaraq
ATM-lərin Fizika proqramı üzrə təqdim etdikləri özünütəhlil hesabatlarını
müzakirə etmiş, müsahiblər zamanı veriləcək sualları üzərində iş aparmış və digər
lazimi hazırlıqlar aparmışlar.
Daha sonra
ekspertlər hər iki universitetə bir günlük səfər etmişlər. Sahə səfərləri çərçivəsində
universitetlərin rəhbərliyi, özünütəhlil hesabatını hazırlayan qrupun üzvləri,
tələbələr və işəgötürən təşkilatların nümayəndələri ilə müsahibələr
keçirilmişdir. Ekspertlər həmçinin Fizika təhsil proqramının tədrisində istifadə
olunan maddi-texniki bazanı qiymətləndirmək məqsədi ilə universitetlərin auditoriyalarına
və laboratoriyalarlna baxış keçirmişlər.
Simulyativ qiymətləndirmənin nəticəsi olaraq ekspert qrupu tərəfindən hər bir pilot universitetdəki Fizika təhsil proqramı üzrə yekun qiymətləndirmə hesabatı hazırlanaraq həmin proqramın daha da təkmilləşdirilməsi istiqamətində tövsiyələr veriləcəkdir.
Simulyativ qiymətləndirmələrin aparılmasında məqsəd Təhsil Nazirliyinin Akkreditasiya şöbəsinin proqram akkrediyasiyası sahəsində potensialının yaradılması və inkişaf etdiriməsidir.
Tvinninq
layihəsi çərçivəsində pilot olaraq seçilən digər təhsil proqramlarının
simulyativ qiymətləndirilməsi növbəti həftələrdə davam edəcək.