10-14 iyun 2019-cu il tarixlərində Avropa İttifaqının Tvinninq proqramının “Azərbaycanda ali təhsilin gücləndirilməsinə dəstək” layihəsi çərçivəsində Azərbaycana növbəti ekspert missiyası həyata keçirilmişdir.
Layihənin “Layihə çərçivəsində seçilmiş milli təhsil standartlarinin kompetensiyalara əsaslanan yanaşmanı əks etdirməsi məqsədi ilə yenidən hazırlanması”adlı birinci komponenti çərçivəsində ölkəmizə Fransanın Strasburq Universitetinin Beynəlxalq əlaqələr üzrə prorektoru və həmin universitetin fizika fakültəsinin dekan müavini Filip Turek səfər edib.
Missiyanın məqsədi Fizika ixtisası üzrə dövlət standartının (bakalavr və
magistr pilləri üzrə) daha öncə həmin ekspert tərəfindən layihə çərçivəsində
hazırlanmış yeni variantının müvafiq universitet nümayəndələri ilə birlikdə nəzərdən
keçirilməsi və tamamlanması olmuşdur.
Missiya çərçivəsidə fizika ixtisasının tədris olunduğu universitetləri (Bakı
Dövlət Universiteti və Sumqayıt Dövlət Universiteti) təmsil edən professor-müəllim heyətinin
iştirakı ilə seminar keçirilmişdir. Seminar zamanı sözügedən dövlət standartının
yeni variantı professor-müəllim heyətinin müzakirəsinə çıxarılmış və sənədin
tamamlanması məqsədi ilə onların rəy və təklifləri öyrənilmişdir.
Bundan başqa, avropalı ekspert tərəfindən Fizika üzrə
ixtisasların milli təsnifatı da nəzərdən keçirmişdir.
Missiyanın nəticəsi olaraq
ekspert sözügedən standartın yekun variantını hazırlamış və gələcəkdə daha da
təkmilləşdirilməsi məqsədi ilə tövsiyələr vermişdir.